Health Point

मनुष्याच्या पूर्णत्वाची झलक- ॲक्युप्रेशर   आपण पाहिलं ॲक्युप्रेशर ही औषध व ऑपरेशन शिवाय रोग बरे करण्याची आश्चर्यजनक उपचार पद्धती आहे. निसर्गाने मानव शरीरात अनंत रहस्य दडवून  ठेवली आहेत.  बृहदारण्यक उपनिषद्‌च्या या मंत्राने मला नेहमीच विचार करण्यास भाग पाडले, ऊँ पूर्णमदः पूर्णमिदं पूर्णात्‌ पूर्णमुदच्यते। पूर्णस्य पूर्णमादाय पूर्णमेवावशिष्यते॥ ओम शांती! शांती!! शांती!!! या मंत्राचा अर्थ असा कि ते पूर्ण आहे हे पण पूर्ण आहे, पूर्णातून पूर्णच उत्पन्न होते आणि जर पूर्णातून पूर्ण काढून घेतले तरी पूर्णच शिल्लक राहते! अद्भूत ! थोडं विषयांतर झालं, परंतु खरंच मनुष्य पूर्णच आहे. जसजसे आपण ॲक्युप्रेशर शास्त्राचे सखोल अध्ययन करत जातो, आपल्याला हे पावलोपावली जाणवू लागतं, पटू लागतं. तर पुन्हा विषयावर येत ॲक्युप्रेशर बाबत जाणुन घेऊन पूर्णत्वाची एक झलक - निसर्गाने कसे आपल्या शरीरात ऑटो रिपेरिंग सिस्टम बनवून ठेवले आहे, ते पाहूया. #रिफ्लेक्स पॉईंट: आपल्या हातापायाच्या पंज्यावर आपल्या संपूर्ण अवयवांचे स्विच बटन सारखे बिंदू आहेत. सूक्ष्मतेने पाहिले अस...